Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Atag do Upko, pohoroon pomilian KK id DUN Kadamaian

Ewon Benedict (tolu mantad wanan) mamaramit poom kotonudan kawawagu soginumu 47 puru Upko mantad di Kaimun Ginsuab - foto Monica Gidong
Ewon Benedict (tolu mantad wanan) mamaramit poom kotonudan kawawagu soginumu 47 puru Upko mantad di Kaimun Ginsuab – foto Monica Gidong

KOTA BELUD – Koisaan Pasokmomogun Kadazandusun Murut Bersatu (Upko) Kota Belud minapaatag moi pohoroon o pomilian Molohingon Kampung (KK) id kinoyonon Walai Koundangan Pogun (DUN) Kadamaian.

Boyoon Upko Bohogian Kota Belud, Ewon Benedick minoboros do pomilian miagal dilo kaanu popokito hak demokrasi kumaa mogigion kampung do momili KK i opurimanan diolo kaanu papanau tongungan montok popoindalan sistom kooturan tanak pogun id kampung diolo.

“Ogumu kumpilin naramit ku mantad mogigion kampung ih amu osontob ginawo karait pomilian di wonsoion maya Boyoon Watas. Nakaanu oku nogi kumpilin miagal dilo mantad tambalut ku id PBS (Parti Bersatu Sabah) om PBRS (Parti Bersatu Rakyat Sabah) Kadamaian.

“Pomilian miagal dilo nga nokolombus nogi maya mitingan Barisan Nasional id kinoyonon diti. Iso panalasaian di aanu tokou onuon karait diti ahal nopo nga maya pomilian miagal dilo pomilian Ponorikohon Komiti Kotungoligan om Komogoton Kampung (JKKK) ih pinili maya pomilian,” ka disio.

Minoboros isido miagal dilo kumaa maganu habar kalapas ababayan Kopotimpuunan kawagu Upko Kampung Narinang om pomoromitan puru wagu Upko id kinoyonon dilo, soginumu 47 tulun.

Ewon ihponogi Boyoon Komulakan Upko Nasional minamarayou pomilian ponorikohon JKKK poimpuli kampung id kinoyonon Kadamaian ih kakal papaampai kotonudan do mogigion kampung. – Dii Monica Gidong / SayangSabah

Komen


Berita Berkaitan