Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Atag do Sabah momonsoi 3,000 walai PPR sontoun

Joseph Pairin Kitingan (tanga) mamaramit kinorikatan di Musa Aman (wanan) id tombului karaja disio id Tambunan. – foto JKM
Joseph Pairin Kitingan (tanga) mamaramit kinorikatan di Musa Aman (wanan) id tombului karaja disio id Tambunan. – foto JKM

TAMBUNAN – Porinta pogun minapawalad atag kumaa porinta pisompuruan do momoruhang ginumu wonsoion porojik Pomuwalaian Rayat (PPR) id Sabah mantad 1,000 walai kumaa 3,000 walai sontoun.

Sokiro kapaas, tantu kaanu manahak kosiwatan lobi ogumu rayat lolobi tinimungan komulakan ih kipandapatan osuhatan om osiriba maganu walai sondiri.

Boyoon Montiri Datuk Seri Musa Aman minoboros do nosugut kawagu disio papabantang atag dilo kumaa porinta longkod moi ruhangan o ginumu PPR id Sabah.

Ka disio kosuul moi oruhangan o ponikidan id toiso iso watas sabap porinta pogun nakaramit ogumu upalai PPR mantad rayat.

“PPR nopo nga porojik kosuul om andad andadon do rayat. Nonuan tokou do 1,000 unit sontoun nga montok doho amu ilo kabagal, sabap dilo minokianu oku kawagu moi oruhangan ilo kumaa 3,000 unit sontoun.

“Do babaino diti toiso iso watas mumbal mokianu 30 unit PPR sontoun, sokiro ruhangan, kaanu tokou momonsoi 40 unit. Alansan oku porinta pisompuruan manahak pogintangan ahal diti,” ka disio.

Minoboros isido miagal dilo kumaa maganu habar kalapas minokinongou kointalangan toniba Kotundaan Watas Tambunan om Keningai id Tupis Watas Tambunan kopihondot tombului karaja solinaid duo tadau.

Nakaampai ih Kumoduo disio, Tan Sri Joseph Pairin Kitingan; Montiri Karaja Poimbida, Datuk Teo Chee Kang; Monguhup Montiri Kousinan Datuk Ramlee Marhaban om Monguhup Montiri kumaa Boyoon Montiri Datuk Ellron Angin. – Dii Sitti Nor Azizah Talata / SayangSabah

Komen


Berita Berkaitan