Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Aset tinimungan koumoligan id Pulou Jambongan kiguno insanangan: Ronald

beluran
BELURAN: Aset tinimungan koumoligan id Pulou Jambongan kiguno insanangan montok manahak kotumbayaan kumaa 5,000 mogigion id pulou dilo, ka dii Puru Parlimen Beluran Datuk Seri Dr Ronald Kiandee.

Ka disio, pingisaman do monginsonong asset puru koumoligan ilo nopo nga Tinimungan Susumangod Malaysia (ATM) om Polis Diraja Malaysia (PDRM) kosuul sasabap pulou dilo nopo nga wookon pulau id kowoigan dilo poinsomok kopio piolitan sompomogunan miampai pogun sampaping Polipin.

Ka disio, sundung do Pulou Jambongan nosukupan do iso platun ATM miampai kokuatan 30 puru nga kakal okurian aset miagal bot om padsakaian montok papanau rondaan koumoligan id tindal om rahat.

“Iti noh katangaban di pinolombus sombohogian mogigion id pulou diti,” ka dii Ronald ih ponogu Kumoduo Yang Dipertua Dewan Rakyat soira rinuba maganu habar id kotombuluian karaja id Pulou Jambongan, do hiti di baino.

Haro onom kampung id pulou dilo — Kampung Jambongan Hujung, Melalin, Bahanan, Limau-Limau, Babago om Singgahmata.

Haro nogi iso Balai Polis id pulou Jambongan ih kiharo lobi 5,000 mogigion kosuang kukumaraja duo kumponi kabun sawit.

Pulou Jambongan nopo nga sombohogian mantad kinoyonon Zon Atampasi Kosilahon Sabah (Esszone) ih pinosuang id siriba pangantaban Kinoyonon Koumoligan Poimbida Tisan Kosilahon Sabah (Esscom). – BERNAMA

Komen


Berita Berkaitan