Sayang Sabah Facebook

Likes
Sayang Sabah Twitter

11,799

Followers

Sayang Sabah - Portal Berita Negeri Kita

APMM nakaanu ponulungan monginsada Kudat mogihum bot id saalom rahat

11:31pm 10/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

apmm-600x366-600x366 (1)
KUDAT: Agensi Monguasa Maritim Malaysia (APMM) nakaanu ponulungan koisaan monginsada Kudat id suang karaja mogihum om manampasi (SAR) id tampat bot nabantalan poinsait pukot monginsada songkonihab pogului naratu kawau ig rahat.

Bot dino i sinakaian apat tulun notorob ontok id suang pamanaan mantad Pulau Bambangan kumaa Kudat ontok di ko-2 Tulan Kolimo nakatalib.

Potunud APMM Wilayah Sabah om Labuan Laksamanan Pertama Maritim Mohd Zubil Mat Som minoboros do iso bot monginsada pukot tunda i kaanu mamagayat pukot tunda kiniralom 100 meter tumimpuun mamagayat pukot id kinoyonon dilo di dangadau konihab.

“Di kosuabon konihab, tutumolop tuminimpuun di jam ko 7.30 minsusuab do Susumangod Rahat Diraja Malaysia (TLDM) nga gisom baino au nokobontol nuununu. Sinodu kokitanan id suang rahat limo no meter om saralom rahat kawagu kiburutak miampai kikinapal iso meter.

“Mantad dino kobolihangkangan montok tutumolop mantad TLDM montok papanau pongintutunan,,” ka disido kuminaa magaganu habal id doiti di konihab.

Apat munggui i natagak id suang kinantakan dino nopo nga misasawo mantad Sepanyol, David Hernandes Gasulla om Martha Miguel, koduo-duo kiumur 30 toun, tulun China i nogi sanganu do resort id Tanjung Simpang Mengayau, Tommy Lam Wai Yin, 45, om tondu kinoyonon i nogi pakaraja id resort, Armella Ali Hassan, 23.

Songkonihab, iso mantad injin padau dino nokito nakasait id pukot monginsada, nga iso kawago injin 3 kuasa kuda miampai padau naatu kawagu id saralom do rahat ontok pukot dino ginayat minsawat do monginsada. – BERNAMA

Apa Komen dan Pendapat Anda

Artikel Berkaitan