Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

APMM minanampasi tolu monginsada id kowoigan Pulau Mengalum

nelayan-600x367

KOTA KINABALU, 7 Jan : Puru Monguasa Maritim Malaysia (APMM) Kota Kinabalu nakaanu minanampasi tolu monginsada kinoyonon mantad norulun id kowoigan Pulau Mengalum soira naraag o injin bot diiolo, kosuabon konihab.

Potunud Karaja Wilayah Sabah om Labuan, Kapten Maritim Adam Aziz minoboros do bot dilo nokito id kinoyonon 65 batu nautika barat laut somok Pulau Mengalum, do Susumangod Rahat Diraja Malaysia (TLDM), pikikiro 12.10 tanga tuong di tadau Koduo nakatalib.

Ka disio, porijistaan do bot dilo nakaanu kasagaan mantad Koupisan Ponginsadaan om Koupisan Rahat Wilayah Sabah.

“APMM miampai ponguhupan puru TLDM nakaanu minogihum do bot nokomoi ih naraagan do injin. Minokianu nogi yahai ponguhupan mantad Sistem Pogintangan Rahat Sabah om Labuan (SWASLA) montok mamantau bot dilo,” ka disio id kointalangan habar, hiti di konihab.

Tumanud di Adam, bot dilo miampai tolu monginsada kiumur id pialatan 30-an naanu ginayat do kapal TLDM, KD Jerung, kuminaa id Pelantar Minyak Kebabangan, om tinanud dilo bot laju Penggalang 21 APMM. — BERNAMA

Komen


Berita Berkaitan