Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

APMM minanampasi 11 tutumombului

apmmm2-600x367
KOTA KINABALU – Puru Monguasa Maritim Malaysia (APMM) Kota Kinabalu nakalantoi manampasi soginumu 11 tutumombului ih nakandas pikikiro 10 jaam id iso bot sabap noowian do tuma id kowoigaan Pulau Mantanani somok Kota Belud, pikikiro 74km mantad hiti, di konihab.
Mongigit daamot Boyon Monguasa Maritim Watas Kota Kinabalu Komander Maritim Mohamad Suharto Mat Said minoboros do puru dau nakaramit pamalahawan marau-arau pikikiro jaam ko 6 sosodopon (30 tulan Kohopod om Duo).
Puru APMM minumbal do momoromut di papanau bot nokomoi montok mongilo kinoyonon nga amu naanu minomoromut.
Ka disio, papanau bot dilo amu kaanu popoilo kinoyonon kopio diolo sabap amu osonong kowowoyoon do tawan om lakun nga ologod.
Sabap dilo, ka di Mohamad Suharto, sontinimungan puru APMM sinuhu minooi pogihum bot nokomoi om naanu minogihum. Toinsanan susumakai id bot dilo natampasi pikikiro jaam 4.08 kosuabon.
Toinsanan di naantakan nigitan kuminaa id Kota Kinabalu om nokorikot id jeti Jesselton Point do hiti, pikikiro jaam ko-7 kosuabon. – BERNAMA

Komen


Berita Berkaitan