Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

APMM minanahan bot jongkang, turu poinsakai sinoliwan pogun aiso kasagaan

apmm tawau
TAWAU: Puru Monguatkuasa Maritim Malaysia (APMM) Tawau minanahan iso bot jongkong om turu poinsakai kosuang songulun juragan sabap sumoliwan mantad Malaysia miampai aiso kasagaan puru kikuasa.

Potunud Maritim Tawau Kapten Maritim Anor Jaafar minoboros do puru APMM ih mamaso papanau rondaan nokobontol do bot kinoyonon dilo id Sungai Melayu, Pulau Sebatik id kowowoyoon mosi-rosi pikikiro jam 9.45 kosuabon baino.

Ka disio, bot dilo kikotumbayaan id tindalanon kumaa Sungai Pancang, Indonesia.

“Mantad pomorisaan tosopung noilaan do ih poinsakai id bot dilo, songulun kusai om duo tongu Indonesia, duo kusai om duo tondu tulun Malaysia kiumur id pialatan 49 gisom 70 tahun.

“Pinokito diolo pasport ih aiso cop kasagaan sumoliwan mantad Tawau mantad Koupisan Imigresen om rayat Malaysia nopo nga aiso pasport sumoliwan pogun,” ka disio id kointalangan do hiti di baino.

Ka disio juragan om poinsakai dilo nigitan kuminaa jeti Maritim Malaysia Tawau montok ponoriukan id siriba Akta Imigresen 1959/63. – BERNAMA

Komen


Berita Berkaitan