Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

APMM Labuan manalob karaja ponoludupan sogirit, tiinumon kaauk

APMM LABUAN 12

LABUAN : Puru Monguasa Maritim Malaysia (APMM) Labuan maganu laang okodou kumaa karaja aiso kasagaan id kowoigan do hiti, lolobi kopio montok manalob ponoludupan sogirit om tiinumon kaauk.

Boyoon Monguasa APMM Labuan Kapten Maritim Che Adnan Md Isa minoboros do korugian tagayo asil pandapatan pogun minongunsub piro-piro puru monguasa lolobi APMM do maganu laang manalob om momunso koulalahon dilo.

Ka disio, noilaan do APMM piro piro wayaan id pialatan Labuan om Sarawak ih asaru gunoon montok monoludup do sogirit om tiinumon kaauk.

“Pinongkawas dahai karaja pingisaman do manalasai kiis ngawi miagal diti om alansan yahai kumaa monginsada kinoyonon sumiliu ‘mato om tolingo’ dahai montok poposibar kointalangan karait nunu nopo karaja aiso kasgaan,” ka disio.

Minoboros ih Che Adnan miagal dilo montok mongulas kointalangan Koupisan Kastam di kawawag do kinorugian asil ponoludupan sogirit om tiinumon kaauk toiso-iso korikot RM1.9 bilion om RM500 riong.

“Amu milo olimon di, Labun sabagai pulau poingidu mantad sukai kotoguang diti ponoludupan. Kobolihangkangan tagayo diti nopo diti kinorugian tagayo nga ponoludupan om padagangan aiso kasagaan.– BERNAMA

Komen


Berita Berkaitan