Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Apatut apandai mamahagi timpu kumaraja om paganakan

Panglima Wilayah Laut 2, Laksamana Muda Datuk Khairul Anuar Yahya papatahak toluod kumaa di Montiri Kotundaan Mogigion om Ahal Momoguno Datuk Jainab Ahmad Ayid montok patahakon kumaa munggui tana noguyu. - foto Alex Mairin / sayangsabah
Panglima Wilayah Laut 2, Laksamana Muda Datuk Khairul Anuar Yahya papatahak toluod kumaa di Montiri Kotundaan Mogigion om Ahal Momoguno Datuk Jainab Ahmad Ayid montok patahakon kumaa munggui tana noguyu. – foto Alex Mairin / sayangsabah

KOTA KINABALU – Papanau karaja saabagi tupisor wanan susumangod om nogi momuruan paganakan iso tonggungan tagayo.

Panglima Wilayah Laut 2, Susumangod Rahat Diraja Malaysia (TLDM), Laksamana Muda Datuk Khairul Anuar Yahya minoboros do poingkuro po, amu ilo kosiliu kobolihangkangan sokiro sosongulun apandai mamahagi timpu kumaraja om paganakan.

“Otumbayaan oku, toinsanan tulun haro ralan sondiri montok mamahagi timpu miampai paganakan diolo,” ka disio id ababayan Tadau Tapa kopihondot Jelajah Keluarga Bahagia Nayatan Pogun id Masjid Ibnu Battuta, Pangkalan Susumangod Rahat Diraja Malaysia (TLDM), Sepanggar do hiti.

Alansan nogi isido mooi tema “Oupus Oku Tapa Ku” sabaagi popogirot piromutan id paganakan.

Id ababayan dilo, minapatahak nogi isido toluod kumaa di Montiri Kotundaan Mogigion om Ahal Momoguno Datuk Jainab Ahmad Ayid montok patahakon kumaa mungui tana noguyu id pogun diti. – Dii Nuzir Andi Samsiar / sayangsabah

Komen


Berita Berkaitan