Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Apat tulun Geng Yuyu nagakom do pulis

11:51pm 28/05/2016 Maryann 3 views Abal Kinoyonon,Kinoyonon,Kota Kinabalu

27 ANGGOTA YUYU
KOTA KINABALU: Apat tulun natandasan poinsuang id iso sindikit pinungaranan Geng Yuyu tinahan do pulis tadau ko-25 tulan Kolimo nakatalib id iso ponugkuan iso walai id Taman Putera Jaya, Telipok.

Ponugkuan dilo nopo nga laang sumusuhut mantad iso ruputan di winonsoi iso miambalut ih minamadawa pinanakahan do duo kusai dilo mamaso poingundorong daamot id poilihan korita toning replika ikan jerung, Tanjung Lipat, Likas.

Boyoon Pulis Watas ACP M.Chandra minoboros do id kinaantakan dilo, ih minongumpilin minoboros do duo kusai minooi bontol diolo, songulun mantad dilo minangakang dangol minokianu poilihon o kunsi korita om kakamot suai.

Tumanud disio, ih natandasan kikotumbayaan nakaampai id apat kiis kasalaan tawagat monoruang walai id Signal Hill 1, Tanjung Lipat Ralan Signal Hill Park ontok tadau ko-23 tulan Kolimo nakatalib kapaampai kinorugian RM10,000, kiis manakau id poilihan korita kogumuan Jalan Tun Fuad Stephen Taman awam Teluk Likas ontok ko-24 tulan Kolimo kapaampai kinorugian RM10,000, kiis monoruang walai id Kuarters Kukumaraja Walai Pongubatan Likas Jalan Bangka-Bangka Inanam ko-24 tulan Kolimo kapaampai korugian RM13,000 om ponoruangan walai id Taman Putera Perdana Telipok ko-24 tulan Kolimo miampai kinorugoan RM1,500.

Kiis soriukon id siriba Seksyen 395/397 Kanun Keseksaan, Seksyen 457 Kanun Keseksaan om Seksyen 15(1)(a) Akta Dadah Koligogon 1952. – SayangSabah

Apa Komen dan Pendapat Anda

Artikel Berkaitan