Sayang Sabah Facebook

Likes
Sayang Sabah Twitter

11,783

Followers

Sayang Sabah - Portal Berita Negeri Kita

Apat tinimungan mimbuul goos tosonong

10:42pm 09/11/2015 Maryann 1 views Abal Kinoyonon,Kinoyonon,Sipoot,Tawau

bola tawau
TAWAU: Apat tinimungan mimbuul goos tosonong pinoumum sabaagii bontugan id toiso-iso bohogian id Ababayan Panahakan Tutungkap Karnival Kotundaan Mimbuul Tawau 2015 do hiti, di konihab.

Nexus Jr id siriba 12 toun (U12), Kejora FC (U14), Balung Bravers, SMK Balung (U16) dan TFA ‘A’ (U19). Tukad koduo montok U12 naanu do Perdana FC, kotolu (SOF) om tukad kaapat (TFA ‘A’) ih miala magahau Piala Ybhg Tuan Ismail Awang, Ponorikohon Komiti Kotundaan Safa Tawau.

Tukad koduo montok U14 miala magahau Piala Ybhg Datuk Ismail Mayakob, Porosidin Kounsil Kakadaian Tawau naahau do Wawasan FC, tinanud tinimungan Balung Bravers ‘A’ (kotolu) om Generasi B (kaapat).

Montok bohogian U16 Piala Ybhg Haji Husin Abdurahim, Puru Kotinanan Potunud Sipoot Pogun Sabah, tukad koduo naanu do SMK Tawau, Sri Apas (kotolu) om Al-Qannas (SM Islamiah) (kaapat).

Om tukad koduo montok bohogian U19 magahau Piala Ybhg Datuk Nizam Abu Bakar Titingan, Porosidin Safa Tawau nopo nga naahau do tinimungan SOF, MSSDT ‘A’ (kotolu) om SMK Tawau (kaapat).

Toinsanan tutungkap pinatahak di montiri Komulakan om Sipoot Datuk Tawfiq Abu Bakar Titingan.-Alanna Adam/Sayangsabah

Apa Komen dan Pendapat Anda

Artikel Berkaitan