Sayang Sabah Facebook

Likes
Sayang Sabah Twitter

11,769

Followers

Sayang Sabah - Portal Berita Negeri Kita

Apat munggui bot nolondod natampasi nokorikot id KKIA

10:01pm 14/05/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

MANGSA
KOTA KINABALU: Apat munggui i natagak id kowoitan Pulau Balambangan, Kudat, ontok di ko-2 Tulan Kolimo nakatalib, natampasi nokorikot id Gana Tutubpoon Kapal Sompomogunan Kota Kinabalu (KKIA), id doiti.

Nokorikot iyolo miampai kapal Bombardier do Agensi Monguasa Maritim Malaysia (APMM) o sanganu di kurang lobi jam ko 9.15 minsusuab konihab.

Kinorikatan toinsanan mungui tinanud di Potunud Maritim Wilayah Sabah om Labuan, Laksamanan Koiso Mohd Zubil Mat Som om tinorimo do puru paganakan om tambalut dilo.

Misasawo tulun Sepanyol David Hernandez Gasulla om Martha Migeul; songulun tulun China Lam Wai Yin Tommy om koonduan kinoyonon, Armella Ali Hassan naanu natampasi kurang lobi jam ko 8.30 minsusuab songkonihab.

Nabantalan iyolo id iso bot do monginsada Vietnam id kowoigan Pulau Amboyna Cay poindoros piolitan Malaysia-Vietnam, kurang lobi 240 watu nautika mantad kowoigan Kudat.

Kaapat-apat munggui kalapad dilo noowit kuminaa lamin misosondiri do hiti momoguno do ambulan montok koonuan pongusapan sumusuhut.

Minoboros kuminaa magaganu habal kalapas dino, Mohd Zubil minoboros do karaja mogihum om manampasi (SAR) nopupusan id ralan poimbida di jam ko 4 minsosodopon songkonihab, mantad po karaja di ko 3 tulan Kolimo nakatahib.

Ka disido APMM pinopoundaliu munggui mantad bot monginsada Vietnam dilo kumaa sawat kapal KM Bistari di jam ko 6 minsosodopon songkonihab id suang karaja poundolihan di minaganu timpu pialatan 10 om 15 minit. – BERNAMA

Apa Komen dan Pendapat Anda

Artikel Berkaitan