Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

Apat kusai tinahan monguhup ponoriukan kiis monongoi id Lahad Datu

10:17am 13/01/2016 Maryann 0 views Abal Kinoyonon,Berita Pilihan,Jenayah,Kinoyonon,Kota Kinabalu

kes ld
KOTA KINABALU: Pulis minanahan apat kusai kosuang tolu puru pulis montok monguhup ponoriukan kiis monongoi songulun tondu id Kampung Silam Lahad Datu di kawawagu.

Boyoon Koupisan Ponoriukan Kaslaan Tawagat Sabah Datuk Sallehhudin Abd Rahman minoboos do toinsanan di natandasan kiumur id pialatan 26 gisom 33 toun tinahan id iso karaja solinaid turu jaam mimpuun jaam 10.30 kosuabon id possorili Lahad Datu, songkosodop.

“Toinsanan dii natandasan tinahan id apat kinoyonon mkisuai tumanud kointalangan di naramit tinimungan kukumaraja ih papanau ponoriukan kiis. Duo mantad puru pulis dilo kipangkat Koperal om songulun Konstabel.

Ih songulun nopo nga tulun ginumuan. Naahan nogi duo sindata tapui HKMP5 om iso M16 sinanganu Polis Diraja Malaysia, duo korita, apat talipaun tiigiton, tusin RM8,100 om rasuk kikotumbayaan ginunoo di natandasan mamaso kinaantakan monongoi,” ka disio.

Minoboros isido miagal dilo kumaa maganu habar id Longkod Tupis Pulis Kontinjen (IPK) Sabah, do hiti di konihab.

Ka disio, asil ponoriukan noilaan koduo-duo puru pulis dilo mamaso pakaraja sabaagi Tinimungan Gerakan Am, Lahad Datu om songulun pakaraja id Longkod Tupis Pulis Watas Lahad Datu.

“Kiis soriukon id siriba Seksyen 3 Akta Penculikan 1961 ih posodia hukuman gisom apatai toi ko hukuman tolungku soumur umur om soputon. – BERNAMA

Apa Komen dan Pendapat Anda

Artikel Berkaitan