Sayang Sabah Facebook

Likes
Sayang Sabah Twitter

11,805

Followers

Sayang Sabah - Portal Berita Negeri Kita

Apat kusai kaampai judi aiso kasagaan, ginakom do pulis

12:01am 09/04/2016 Maryann 0 views Abal Kinoyonon,Kinoyonon,Kota Kinabalu

digari-600x366-1-600x366
KOTA KINABALU: Apat kusai kiumur 21 gisom 55 toun ginakom sabap kikotumbayaan nakaampai id karaja minjudi online mamaso iso karaja ponugkuan id iso kadai Inanam, somok hiti di totuong konihab.

Boyoon Pulis Kakadaian Kota Kinabalu, ACP M.Chandra minoboros do toinsanan kusai dilo tulun kinoyonon tinahan id tingkat koiso kadai Inanam Central, pikikiro jam 10.21 totuong konihab.

“Madtamong do kadai dilo nga ginakom nogi sabap kikotumbayaan papanau karaja pinjudian misin online aiso kasagaan. Nagakom nogi tolu mamain judi,” ka disio id iso kointalangan do hiti di baino.

Tumanud dii M.Chandra ponugkuan di pinapanau iso tinimungan pulis mantad raan D7, Longkod Tupis Pulis Bandaraya Kota Kinabalu maya Op Dadu dilo, puru dau minangahau 20 unit tablet, toiso-iso komputer riba om peranti jalur lebar om tusin RM1,060. Kiis soriukon id siriba Seksyen 4B (a) Akta Rumah Perjudian Terbuka 1953. – BERNAMA

Apa Komen dan Pendapat Anda

Artikel Berkaitan