KOTA BELUD: Apatut o porinta mogintong om popogirot kooturan ih haro mantad lolobi kumaa sikul minsosondiri om swasta id pogun diti, ih kikotumbayaan papatanom kotonudan pomusarahan toi ko ideologi oindamaan, ka di Speaker Walai Koundangan Pogun Sabah Datuk Seri Dr Salleh Tun Said.

Tumanud disio, kosuul kopio laang miagal dilo montok mangantob ponibaran kotonudan pomusarahan dii oindamaan id tanga susumikul, om nogi mongilag do ounsub o tangaanak sikul dilo ponudukan adalaan gisom popoimbulai kowowoyoon amu osonong miagal piuhadan.

Maya pogintangan om laang di okodou, kaanu o porinta maganu laang lobi osopung, ka di Salleh ih ponogi Puru Walai Koundangan Pogun Usukan, id iso kointalangan do hiti.

Ka disio, nunu nopo ahal i kaanu popoimbulai pitagadan nga apatut mangan pibarasai miampai sunduan mamantang tiso om iso montok potimporon kowowoyoon oulud id tanga mogigion pogun diti.

Salleh ih ponogi bagas Boyoon Montiri Sabah minoboros do, sistom balajaran apatut kaanu papalabus tinimungan komulakan di kidisiplin, haro kayakinan, kitoilaan om pomusarahan di amu adalaan id suang piromutan id tanga tinaru om agama.– BERNAMA