Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

‘Anak Sabah Run’ popokito piuludan id Sabah

7:51pm 07/03/2016 Maryann 1 views Abal Kinoyonon,Kinoyonon,Kota Kinabalu,Sipoot

run
KOTA KINABALU: Sabah nopo nga pongitanan tosonong ih kasasari posogulu kouludon om kosimbayanon id tanga mogigion mogisuai-suai tinaru.

Montiri Kotundaan Moigion om Ahal Momoguno Datuk Jainab Ahmad Ayid, minoboros do kinaampaiann tutumanud mantad mogisuai-suai tinaru id ababayan ponongkusan Anak Sabah Run pinaanjur tinimungan Komulakan Liberal Democratic Party (LDP) nopo nga impohon do popokito kouludon mogigion mogisuai-suai tinaru id pogun diti kasasari poingirot.

“Kinaampaian tutumanud mantad mogisuai-suai tinaru popokito do mogigion mogisuai suai tinaru id pogun diti kasasari oulud.

“Alansan oku ababayan miagal diti tilombuson poonjuron montok popogirot piuludan om pirromutan id toinsanan mogigion mogisuai-suai tinaru,” ka disio.

Minoboros isido miagal dilo kumaa maganu habar id ababayan dilo id Kompleks Sukan Likas, do hiti di konihab.

Daamot dilo Montiri Karaja Poimbida Sabah Datuk Teo Chee Kang, minoboros do ababayan tounan dilo pinaanjur do tinimungan komulakan LDP maya Kolab Sipoot Borneo Cemerlang.

Ponongkusan miampai tema ‘Towards Harmony’ kisinodu 7 kilometer nakaanu kotonudan lobi 2,000 tutumanud. – SayangSabah

Apa Komen dan Pendapat Anda

Artikel Berkaitan