Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Amu nokopirati, komulakan noindamaan noosindualan

salah faham 15
KOTA KINABALU – Gagama aiso pirotian, songulun komulakan kusai noindamaan nosindualan soira naamal om tinobok do lobi 10 tulun natandasan ih amu otutunan id Dataran Anjung Senja Waterfront hiti di jam ko-12.30 tanga tuong, tadau Mingu nakatalib.

Boyoon Pulis Watas Asisten Komisioner M.Chandra minoboros do mantad ponoriukan tosopung, mungui kiumur 17 toun miampai tolu poh kawagu tambalut dau minongoi id kinoyonon dilo miampai sinakai korita Perodua Kancil.

“Soira ih mungui tuminalib do talun-alun, naantakan pioduhan di piolitan di komulakan om songulun kusai di papanau korita Myvi potilombus minogowit pioduhan,” ka disio.

Ka disio, soginumu 10 tulun kusai amu otutunan kikotumbayaan mantad somok dilo minongoi pangamal om minopokoruol di mungui mantad Kampung Sungai Damit.

Mantad pioduhan dilo minogowit kinosindualan id bohogian tian om tulu om nogi turu bagas notobok momoguno sindata atarom id tolikud tinan dau.

Munggui nigitan di tambalut dau kuminaan id walai pongubatan Queen Elizabeth 2 montok mokianu pongubatan.
“Tadau nokomoi pikikiro jam ko-3.38 kosuabon, puru pulis trafik minanahan duo kusai kikotumbayaan haro kogoitan id kiis dilo.

“Koduo-duo di natangasan kiumur 18 om 23 toun mantad Kampung Warisan Inanam, tinahan daamot montok ponoriukan id siriba Seksyen 148 Kanun Keseksaan. – Dii NUZIR ANDI SAMSIAR / Sayangsabah

Komen


Berita Berkaitan