Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Amu kasala mamason kumaa mogigion okon ko Islam

haji bungsu
KENINGAU: Okon ko kasalaan kumaa tulun Islam di manahak pason Kotobian Tadau Krismas kumaa mogigion okon ko Islam id karamaian Krismas, ka dii Mufti Pogun Sabah Datuk Haji Bungsu @ Aziz Haji Jaafar .

Ka disio, kopio nopo nga mogigion Islam nopo nga milo manahak pason kumaa nunu-nunu nopo karamaian di ramaion mogigion okon ko Islam nga mositi haro syarat miagal amu katalib nunu ih pinorikot gisom monolikud ponontudukan ugama ih haro mantad.

“Mantad pogintangan ku, manahak do pason id nunu-nunu nopo karamaian kumaa mogigion okon ko Islam nga amu kasala nga akidah mositi tamangan,” ka disio kumaa maganu habar kalapas minopolombus tazkirah id karamaian Maulidur Rasul nayatan watas Keningau id Dewan Masyarakat do hiti di tadau Koonom.

Ka disio titondos sombohogian tulun Islam do mogodu manahak pason dilo amu otopot miagal di dinawa id media sosial.

Tumanud disio, mogigion mogisuai-suai tinaru om ugama id pogun diti mantad pogulu gisom baino noubasanan kowowoyoon di mamantang tiso om tiso. – Dii Kalawon Sawing/Sayangsabah

Komen


Berita Berkaitan