Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Alumni UiTM Sabah paanjur ababayan makan amal

masidi alumni
KOTA KINABALU: Kotinanan Alumni Universiti Teknologi MARA (UiTM) Sabah pikikiro paanjur iso Ababayan Makan Totuong Amal tadau ko-2 tulan Kaapat diti.

Ababayan dilo kituduan monimung do tusin montok potoluodon kumaa tinimungan amu kamampu maya tabung balajaran kotinanan alumni dilo.

Montiri Kotombuluian, Koubasanan om Ahal Posorili Datuk Seri Panglima Masidi Manjun ih ponogi Yang Dipertua Kotinanan Alumni UiTM Sabah minoboros do dana dilo pooluon nogi montok madtamong kobajikan susumikul om alumni sabaagi rikoton tagayo ponuridangan do kotinanan nokomoi.

Ababayan miampai tema “Celebrating Your Success By Helping Others To Succeed” dilo pohoroon id Magellan Grand Ballroom, Sutera Harbour.

Soginumu 100 tirikohonon posodiaon id ababayan dilo ih posodia gatang RM100 iso mija montok songulun om RM3,000 iso mija montok di potoluod korporat.

Tongo alumni UiTM Sabah, agensi korporat om organisasi porinta ih orohian momuking om mambarai kotimpuun tulan Koduo. –Dii Elezebeth Esther/ SayangSabah

Komen


Berita Berkaitan