Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Alumni id sikul kitonggungan monguhup popoingkawas balajaran

 Musa Aman (tanga) miampai bagas ngawi susumikul St. Paul Beaufort, momutul do kek id Ababayan Pitimungan Kawagu om Makan Totuong Bagas Susumikul St. Paul, Beaufort id Dewan Hakka, Likas. – foto Alex Mairin

Musa Aman (tanga) miampai bagas ngawi susumikul St. Paul Beaufort, momutul do kek id Ababayan Pitimungan Kawagu om Makan Totuong Bagas Susumikul St. Paul, Beaufort id Dewan Hakka, Likas. – foto Alex Mairin

KOTA KINABALU – Porinta potilombus poposogulu kosuulan balajaran montok papalabus mogigion di kitoilaan om kaanu popotunda pogun diti.

Boyoon Montiri Datuk Seri Musa Aman minoboros do maya balajaran toiso-iso paganakan kaanu monimban koposion kumaa di lobi tosonong om potilombus monguhup do porinta lobi kotunda om komogot.

“Sabap dilo, porinta pogun om pisompuruan miampai ponguhupan mogisuai suai puru tumilombus popoingkawas balajaran id pogun diti kosuang nogi mongunsub tangaanak nokopupus sikulan do maganu pinsingilaan montok momonu koporluan pogun miagal id kaganaan tumau om gas,” ka disio.

Minoboros isido miagal dilo id ababayan pitimungan om makan totuong bagas susumikul St. Paul, Beaufort id Dewan Hakka, Likas.

Ababayan dilo pinaanjur Kotinanan Alumni St. Paul Beaufort notindapou di Porosidin dau Datuk Chin Chee Kee om pikikiro 450 bagas susumikul sikulan nokomoi.

Musa ih ponogi bagas susumikul do sikul dilo minamarayou pingisaman do alumni nokomoi ih nakaanu minapaharo ababayan miagal dilo. – Dii Sitti Nor Azizah Talata / SayangSabah

Komen


Berita Berkaitan