Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Almain linantik TKP JAPEN wagu

26almain
KOTA KINABALU: Potunud Kointalangan Pogun Sabah, Datuk Almain Ajirul linantik sabaagi Kumoduo Boyoon Potunud (TKP) (Pongurusan), Koupisan Kointalangan Malaysia (JaPen) ih wagu.

Almain, 56, mantad Semporna nopo nga Potunud Kointalangan Pogun Sabah mantad limo toun nakatalib om nokoumbal do nosiliu Potunud Kointalangan Johor mantad toun 2007 gisom 2010.

Alansan ih Almain do puru koupisan dilo tumilombus posogulu karaja monikid tadau.

“Mositi tokou papanau karaja miampai otulid ginawo om osonong. Intangai kopio moi amu olihuan o intergriti om kasasari posiliu dilo sabaagi koubasanan id papanau karaja koporintaan,” ka disio.

Minoboros isido miagal dilo id ababayan panahakan Nota Serah Tugas ningkokoton kumaa Kumoduo Potunud Kointalangan Sabah, Yunus Saprin, id Wisma Dang Bandang, di konihab.

Damot dilo, mongunsikou ih Yunus kumaa toluod om pingisaman dii Almain solinaid momuruan do JaPen Sabah. – SayangSabah

Komen


Berita Berkaitan