Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Alansan kaanu tinaru Sina monokodung do BN: Radin

radin2
TENOM: Montiri Kotundaan Labus Kakadaian Datuk Radin Malleh alansan mogigion Sina id watas diti kaanu manahak sokodung kumaa Barisan Nasional (BN) id Pomilian Tagayo abantalan (PRU-14).

Ka disio, iti sabap porinta pisompururan nga miningisom kumaa nunu nopo koporluan balajaran tinaru Sina id watas diti soira minapatahak soginumu RM3 riong montok porojik pamansaian bangunan Sikul Tosiriba Chung Hwa om Sikul Menengah Tshung Tsin sumusuhut mantad kotombuluian bagas Kumoduo Luguan Montiri Malaysia, Tan Sri Muhyiddin Yassin id Tenom tulan Koduo 2013.

“Nosunudan oku do bangunan kawawagu Sikul Tosiriba Chung Hwa momoguno balanja soginumu RM2 riong soira opongo, om porojik pamansaian Sikul Menengah Tshung Tsin nopo nga nogi mangan papanaho,” ka disio.

Minoboros isido miagal dilo kalapas minapatahak mija om bangku kumaa mogindapu id Pasar Tenom di kawawagu.

Radin ih ponogi Puru Walai Koundangan Pogun (ADUN) Melalap minoboros do poruntukan dilo popokito kosianan om pingisaman porinta BN kumaa koporluan toinsanan mogigion mogisuai-suai tinaru id pogun diti lolobi komudahan mogigion Sina id watas diti. – Dii Kalawon Sawing/Sayangsabah

Komen


Berita Berkaitan