Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Alansan i Musa piuhupan id tanga KUYS, Otago University kaanu kosuulan

PIUHUPAN … Naib Canselor KUYS, Prof Datuk Dr Ghazally Ismail (wanan) om Naib Canselor Otago University Prof Harlene Hayne (gibang) miolon do surat pibatasan Pirotian, sinasi di Musa (duo mantad wanan) om Potunud Yayasan Sabah, Datuk Sapawi Haji Ahmad.
PIUHUPAN … Naib Canselor KUYS, Prof Datuk Dr Ghazally Ismail (wanan) om Naib Canselor Otago University Prof Harlene Hayne (gibang) miolon do surat pibatasan Pirotian, sinasi di Musa (duo mantad wanan) om Potunud Yayasan Sabah, Datuk Sapawi Haji Ahmad.

KOTA KINABALU – Kolej Universiti Yayasan Sabah (KUYS) minapaharo piromutan piuhupan id suang kaganaan balajaran miampai iso universiti nointutunan mantad New Zealand.

Ababayan misain Memorandum Pirotian (MoU) id tanga KUYS om Otago University dilo nakapanau id Magellan Sutera, hiti di kawawagu, sinasi di Boyoon Montiri Datuk Seri Musa Aman.

Musa id boboroson disio minoboros do sabagi ponorikohon Lombaga Mongigit Amanah Yayasan Sabah, alansan isido palan do piuhupan dilo kaanu manahak kosuulan kumaa koduo-duo puru.

“Ogumu kipomusarahan do amu agampot o piuhupan dilo sabap miinsodu tomod o pangalaman id tanga Otago University ih noturidong somok 150 toun nakatalib om KUYS nopo nga sontoun nogi kopio.

“Poingkuro po tadau diti nokito tokou do mulong miinsodu om agayo piolitan nga koduo-duo longkod balajaran dilo nakaanu popogirot piuhupan montok kosuulan balajaran,” ka disio.

Tumanud disio, mulong do nakaanu o KUYS popiromut piuhupan piro-piro longkod balajaran nointutunan labus pogun nga iti nopo kumoinsan nogi montok longkod sanganuu poimponu Yayasan Sabah miuhup dilo universiti mantad New Zealand.

“Minsingilo o Sabah pangalaman mantad Otago University montok papaanu posodiaan kointalangan ih kiguno montok mamagampot kalantaian id balajaran,” ka disio. – Dii NUZIR ANDI SAMSIAR / Sayangsabah

Komen


Berita Berkaitan