Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Aktivitis Momoguno mokianu porinta popourut kopoindalanan GST

Gambar Tomod
Gambar Tomod

KOTA KINABALU – Porinta pinokianu popourut kopoindalanan sukai kakamot om porkhidmatan (GST) id Sabah om Sarawak sabap komudahan asas kosuang padsakaian kogumuan id pogun diti amu po karantai miagal pogun id Sememanjung.
Aktivis Momoguno om Hak Asasi Tulun, Datuk Patrick Sindu minoboros do, sokiro poindalanon o GST tulan Kaapat diti, kaanu manahak waya amu osonong kumaa momoguno ngawi id Sabah sabap komudahan asas id pogun diti kakal ogumu mangan insanangai om poingkawason.
“Pourutan do GST diti kosuul kopio montok mongingkuri koingoritan om kosusaan karait kousinan momoguno ngawi. Sabap diti alansan oku daa kumaa porinta do popourut kopoindalanan GST id Sabah om Sarawak gisom oinsanangan ngawi komudahan asas id koduo-duo pogun dilo,” ka disio.
Id ahal do suai mokianu nogi isido kumaa mogindapu ngawi do popoturun gatang kakamot sabap nokoinsiriba noh gatang do tumau id pasaran do babaino diti.
“Tumanud pogintangan ku, haro mogindapu poposiliu GST do pounaian diolo montok popoingkawas gatang kakamot om porkhidmatan diolo. Nga amu kangaam ilo sabap amu po nokoindalan o GST do babaino diti,” ka disio. – Dii Monica Gidong / SayangSabah

Komen


Berita Berkaitan