Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Akta Hasutan okon ko mangantob kobibasan mimboros– Anifah

anifahaman1-600x367
KUALA LUMPUR– Koputusan do porinta popotindohoi Akta Hasutan 1948 okon ko kihontolon mangantob kobibasan mimboros nga mangalai laang di oindamaan gisom popoimbulai ahal karaatan ginawo om pomusarahan oindamaan.

Montiri Labus, Datuk Seri Anifah Aman minoboros do koputusan popotindohoi Akta Hasutan montok kosuulan pogun om rayat pogun diti.

Tumanud disio, laang do porinta dilo kaanu manahak waya osonong kumaa kotilombuson kotundaan ikonomi pogun diti, kotoronongon om piuludan id tanga tinaru om nogi mangantob pomusarahan oindamaan karait ugama om tinaru id pogun diti.

“Intangan kopio Malaysia kointalangan Montiri Labus Kanada, John Baird, karait kobibasan mimboros id Malaysia gagama koputusan do porinta popotindohoi om popogirot Akta Hasutan 1948,” ka di Anifah id kointalangan hiti di tadau baino.

Tumanud di Anifah, kapatasalan do Malaysia, minomutus popotindohoi om popogirot akta dilo nopo nga montok kosuulan monungolig pihunungan om piuludan.

Duo tadau nakatalib, mokianu ih Baird kumaa Malaysia moi amu momoguno do Akta Hasutan miampai aiso demokratik montok mongunsi kabang pongkritik kumaa porinta. – BERNAMA

Komen


Berita Berkaitan