Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Aiso pangantaban papatahak do usul: Salleh

 Datuk Seri Salleh Said. – foto Alex Mairin

Datuk Seri Salleh Said. – foto Alex Mairin

KOTA KINABALU – Nunu nopo usul di pinatahak do lalansanon ngawi rayat montok igitan soira Pitimungan Walai Koundangan Pogun tulan abantalan mangan sorisido tumanud kooturan pointantu.

Speaker Walai Koundangan Pogun Sabah, Datuk Seri Salleh Said minoboros do koputusan karait dilo mangan wonsoio kalapas osorisid do puru disio pogulu pasagaon montok pogibabarasan.

“Sokiro haro nunu-nunu usul, haro kooturan pointantu om do baino diti aiso po usul nokito ku. Sokiro haro, mangan tokou po sorisido mogintong om wonsoion tokou nogi koputusan. Toinsanan lalansanon do rayat kaanu papatahak usul toiso iso diolo,” ka disio.

Minoboros isido miagal dilo kumaa maganu habar kalapas minanahak kointalangan kitulu ‘Kobolihangkangan Id Suang Organisasi’ id Universiti Malaysia Sabah.

Minobors ih Salleh miagal dilo montok mongulas atag do DAP montok papatahak do usul lolobi kopio karait autonomi id Pitimungan Walai KoundanganPogun Sabah abantalan.

Tumanud disio, pitimungan Walai Koundangan Pogun timpuunan do tadau ko-9 tulan Kaapat abantalan.

Karait kinopoindalanan do Forum Pibatasan Ponuridangan Malaysia 1963 pinaanjur do Komontirian Labus Pogun id Kompleks Dewan Kuliah Kedua, Universiti Malaysia Sabah (UMS) id kawawagu, ka disio, ilo nopo nga waayaan tosonong do mogiboboros ahal ngawi karait kosuulan pogun diti. – Dii Sitti Nor Azizah Talata / SayangSabah

Komen


Berita Berkaitan