Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Aiso kompromi kumaa tupisor porinta di manahub kooturan – Musa Aman

imigresen-sabah-600x367
KOTA KINABALU, 5 Feb: Koporintaan Sabah amu papasaga toi ko aiso kompromi kumaa nunu nopo laang di manahub integriti om kooturan id tanga tupisor porinta ih nonuan tonggungan.

Boyoon Montiri Datuk Seri Musa Aman minoboros id ahal diti, alansan o porinta pogun, puru kikuasa nokomoi maganu laang di okodou kumaa apat tupisor imigrisen i tinahan id Lahad Datu sasabap kikotumbayaan minoposoliwan pas kotombuluian sosial miampai aiso kopotutan kumaa tulun songkosuaian montok mion id pogun diti.

“Sokiro oilaan kasala, hukuman tawagat mositi oontokon moi kosiliu pongitanan kumaa puru suai,” ka disio id iso kointalangan hiti di konihab.

Minoboros isido miagal dilo montok mongomi ahal panahanan apat tupisor imigrisin di tadau Koiso (2 tulan Koduo) mantad kumpilin mogigion, do nonuan o Pakistan pas kotombuluian sosial miampai aiso kopotutan mion id pogun diti.

Ka di Musa, amu miduo ginawo karait ahal aiso tonggungan miagal dilo ih kopogowit waya amu osonong kumaa kotungoligan om kodaulatan pogun.

“Nonuan iyolo do tonggungan toi ko kuasa madtamong piolitan, apatut amu kaampai id ponuapan montok kosuulan sondiri sabap ilo kapanahub kooturan di pinatatap,” ka disio.

I natandasan kiumur id tanga 29 gisom 56 toun pakaraja id Koupisan Imigrisin Lahad Datu, tinahan sominggu mantad podii tadau Koiso nakatalib montok monguhup ponoriukan id siriba Seksyen 17(a) Akta Suruhanjaya Pangantaban Susuap Malaysia 2009 sabap minokianu susuap. – BERNAMA

Komen


Berita Berkaitan