Sayang Sabah Facebook

Likes
Sayang Sabah Twitter

11,696

Followers

Sayang Sabah - Portal Berita Negeri Kita

Aiso komoyon naambanan powonsoi di amu noilaan

9:18pm 16/02/2016 Maryann 0 views Abal Kinoyonon,Kinoyonon,Kota Kinabalu

masidi
KOTA KINABALU: Aiso komoyon naambanann monginsonong toi ko poposonong di nunu ih amu noilaan timpu nakatalib, ka di Montiri Kotombuluian, Koubasanan om Ahal Posorili Datuk Seri Panglima Masidi Manjun.

Tumanud disio, montok monginsonong om poingkawas komilaan id boros Inggeris id tanga susumikul, aiso komoyon do naambanan toi ko papasala timpu nakatalib.

“Amu oku kokito panalasaian poingkawas komilaan boros Inggeris id tanga susumikul sokiro tumilombus do papasala timpu nakatalib nga apatut tokou momusorou laang montok manalasai kobolihangkangan dilo sabap ilo lobi kiwaaya mantad tumilombus papasala timpu notoliban,” ka disio.

Minoboros isido miagal dilo soira rinuba maganu habr kalapas kopotimpuunan Ababyan Tadau Boros Inggeris nayatan pogun id SMK Sri Nangka Tuaran, tadau baino.

Tumanud disio kopoindalanan tadau Koduo sabaagi Tadau Boros Inggeris nopo nga iso laang kopotimpuunan di tosonong montok mongunsub toinsanan susumikul mimboros id boros Inggeris.

Daamot dilo, Boyoon Montiri Datuk Seri Panglima Musa Hj. Aman id boboroson dau ih pinolombus di Masidi minoboros do pingisaman potilombus montok poingkawas komilaan boros Inggeris sabap boros nopo dilo nga iso boros sompomogunan.

“Pikikiro duo billion mogigion poimpuli pomogunan momoguno boros Inggeris sabaagi boros piromutan monikid tadau, ilo nopo nga iso kopitolu mantad mogigion id pomogunan,” ka disio. – Sayang Sabah

Apa Komen dan Pendapat Anda

Artikel Berkaitan