Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Aiso kinoingkawason pambarai lotirik: Maximus

TOMBULUI … Maximus (tanga) minapatahak kalendar 2015 kumaa mogindapu id Pasar Tanjong Tawau. – foto Masani Sandan / Sayangsabah
TOMBULUI … Maximus (tanga) minapatahak kalendar 2015 kumaa mogindapu id Pasar Tanjong Tawau. – foto Masani Sandan / Sayangsabah

TAWAU: Komontirian Vinakas, Tiknologi Totomou om Waig minanahak do jominan, gontob tarif lotirik poimpuli pogun amu koingkawas poompus toun diti.

Montiri dau, Datuk Maximus Ongkili minoboros do jominan dilo kopiagal kointalangan Luguan Montiri Datuk Seri Najib Razak soira minopoumum ponguludan kawagu Bajet 2015, di kawawagu.

“Porinta Pisompuruan minomonsoi koputusan do aiso koingkawason gatang toun baino,” ka disio soira rinuba maganu habar id kotombuluian disio id Pasar Tanjong Tawau, hiti di konihab.

Tumanud disio, gontob pambarai lotirik montok 2014, apatut nokoingkawas nga minaganu o porinta koputusan do mananggung subsidi miampai mambarai momoguno tusin pinoopi mantad penjana poimbibas soginumu RM800 riong.

“Montok toun abantalan nopo, intangan tokou poh gatang do tumau nga alansan tokou aadang, amu oindamaan koingkawas om amu oindamaan osiriba sabap ilo nga kopongunsub ekonomi pogun,” ka disio.

Daamot dilo, soira minongomi ahal gatang kakamot ih kakal apagon, ka di Maximus pogiuhupan toinsanan puru lolobi kopio kumponi di posoliwan, pambakal, mogindapu om momoguno apatut montok monguhup popoinsiriba gatang kakamot kopiagal dilo kinoinsiribaan gatang do tumau. – Dii MASANI SANDAN / Sayangsabah

Komen


Berita Berkaitan