Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Aiso biskut raya mantad China padagangon id pidagangan kinoyonon

biskut raya

KOTA KINABALU – Tulun ginumuan lolobi tulun Islam amu tagal mosi-rosi sabap Komontirian Pidagangan Suang Pogun, Koperasi om Koponggunaan (KPDNKK) Sabah minopotopot aiso produk biskut raya mantad China ih padagangon id pogun diti.

Mantad pomorisaan om pogintangan di pinapanau tupisor monguasa KPDNKK Sabah id piro-piro kakadaian tadau biano, nokito kobumuan produk biskut raya mantad mogindapu kinoyonon.

“Noilaan nogi aiso kakamot di kororosi id suang do biskut nokomoi,” ka di Potunud KPDNKK Sabah Severinus Tukah id iso kointalangan do hiti di konihab.

Pogintangan dilo pinapanau sasabap kumpilin om ruputan tulun ginumuan ih nokosibar maya media sosial poboros, kogumuan biskut Hari Raya Aidilfitri ih padagangon id pogun diti nopo nga mantad China.

Titondos miagal dilo minopoimbulai kororosi tulun Islam karait ningkokoton Halal biskut dilo id pidagangan kinoyonon. – Dii Nuzir Andi Samsiar / sayangsabah

Komen


Berita Berkaitan