Sayang Sabah Facebook

Likes
Sayang Sabah Twitter

11,806

Followers

Sayang Sabah - Portal Berita Negeri Kita

Air Asia Berhad potimpuun kopongukaban wayaan wagu KK- Wuhan

11:28pm 22/01/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

masidi air asia
KOTA KINABALU: Kumponi podtuludan Air Asia Berhad minopotimpuun podtuludan kumoiso dau mantad kakadaian diti kumaa Wuhan, tadau baino.

Montiri Kotombuluian, Koubasanan om Ahal Posorili Datuk Seri Panglima Masidi Manjun minoboros do pomorunan kotombuluian id pogun diti pikikiro koingkawas tulan Koturu om Kowalu diti.

“Sabah nopo nga ririkoton tosonong tutumombului mantad Wuhan montok koundarangan sabap kakadaian dilo aiso kinoyonon tisan rahat,” ka disio.

Minoboros isido miagal dilo id pitimungan habar kopihondot kopotimpuunan kopongukaban wayaan kawawagu KK- Wuhan id Sosondoton Kapal Tutumulud Sompomogunan Kota Kinabalu, do hiti di konihab.

Daamot dilo Boyoon Komersil Air Asia Berhad minoboros do kopotimpuunan wayaan kawawagu dilo nopo nga iso pingisaman kumponi nokomoi potunda Sabah sabaagi wayaan tagayo tutumombului mantad pogun China sumuang id Malaysia Kosilahon.

“Otumbayaan yahai ginumu tutumombului China kumaa pogun diti oruhangan kopihondot kopongukaban wayaan kawawagu om potilombus pogirot piromutan social om koubasanan montok koduo-duo pogun dilo,” ka disio. – SayangSabah.

Apa Komen dan Pendapat Anda

Artikel Berkaitan