Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Aidilfitri: Esscom poingkawas panamangan koumoligan id Esszone

escom kapal

LAHAD DATU – Kinoyonon Koumoligan Poimbida Tisan Kosilahon Sabah (Esscom) popoingkawas panamangan koumoligan id kowoigan Zon Atampasi Kosilahon Sabah (Esszone) ontok Hari Raya Aidilfitri montok mogintong kopio aiso bohogian maganu kosiwatan papanau kasalaan tawagat.

Komander Esscom Datuk Abdul Rashid Harun minoboros do puru koumoligan Esscom tumilombus papanau pogintangan miampai monumpuan id kinoyonon pointantu.

“Karamaian diti amu manahak waya kumaa ginumu puru ih pakaraja id piolitan montok mangantob kasalaan toi ko ponoruangan tulun kisindata om karaja monoludup.

“Ogumu puru koumoligan Esscom ih amu kaanu mamaramai Aidilfitri miampai paganakan diolo id Semenanjung toi ko Sarawak sasabap madtamong kodaulatan om koumoligan do rayat Sabah, lolobi kopio id Esszone,” ka disio.

Abdul Rashid minoboros miagal dilo soira minanahak boboroson id ababayan Al-Falah (mongukab puasa) id Masjid Kg Silam, do hiti di totuong konihab.

Karait karaja miuhup ih potilombuson id Esszone, ka disio, nakaanu ilo minong ingkuri ginumu modidikot songkosuaian aiso kasagaan (PATI), ih pogulu diti pikikiro 60 pihatus tinimungan diolo kaampai id pongindopuan id pasar-pasar tagayo kinoyonon dilo.

Tumanud dii Abdul Rashid, karaja miuhup dilo pinapanau id onom watas Kudat, Sandakan, Lahad Datu, Kunak, Semporna om Tawau. – BERNAMA

Komen


Berita Berkaitan