Sayang Sabah Facebook

Likes
Sayang Sabah Twitter

11,728

Followers

Sayang Sabah - Portal Berita Negeri Kita

Ahal tana NCR onuan pogintangan potilombus

11:01am 15/04/2016 Maryann 2 views Abal Kinoyonon,Berita Pilihan,Kinoyonon,Kota Kinabalu

dun
KOTA KINABALU: Ahal tana Hak Tanah Adat Anak Negeri (NCR) onuan pogintangan potilombus miampai minapatatap do rikoton manalasai ponukatan soginayo 13, 000 hektar tana NCR id watas Kota Marudu, Keningau, Kudat, Semporna, Tuaran om Nabawan toun diti.

Yang Di-Pertua Pogun Sabah, Tun Juhar Mahiruddin minoboros do laang dilo nopo nga iso pingisaman potilimbus porinta id suang poingkawas om moninsonong ponorinaan tana id pogun diti lolob mongingkuri ahal tana karait tuntutan NCR.

Suai ko NCR, ahal koumoligan lolobi id Wilayah ESSCOM nga onuan nogi pogintangan miampai minopolulus piro-piro porojik miagal pamansaian do Pos Pulau Sipadan om Semporna, Pamansaian Kompleks Pomuwalaian om Linimput Ponorinaan Batalion 20 Tinimungan Gerakan Am (PGA) id Beluran, Kotundaan Kiim Susumangod Tindal ESSCOM id Felda Sahabat, Lahad Datu om poingkawasan kaangayan do Radar id kinoyonon ESSCOM.

“Romiton ku toinsanan pingisaman di pinapanau do porinta id suang pogirot panamangan koumoligan om kosimbayanon tulun ginumuan lolobi manalasai ponompuronok tulun taraat,” ka disio.

Minoboros isido miagal dilo soira minopolombus boboroson kopihondot kopotimpuunan Mitingan Kumoiso Panggal Kaapat Pitimungan Walai Koundangan Pogun Sabah ko-14 id Dewan Bankuasi, Walai Koundangan Pogun Sabah, do hiti di konihab.

Tumanud dii Juhar, ababayan ngawi di pinapanau do porinta nga nakaanu minopoinsiriba ginumu komosikinan id pogun diti, ilo nopo nga 4.0 pihatus toun 2014 nokoinsiriba piagalon 8.1 pihatus di toun 2012.

Porinta pogun nga tumolombus momorikot pasaran-pasaran kawawagu, mamalan om mangatur laang ngawi pamasaran montok mamagayat korikatan lobi ogumu tutumombului id pogun diti. – SayangSabah

Apa Komen dan Pendapat Anda

Artikel Berkaitan