Sayang Sabah Facebook

Likes
Sayang Sabah Twitter

11,794

Followers

Sayang Sabah - Portal Berita Negeri Kita

Ahal Pati id Sabah ahal nasional ih apatut salasaion miampai

2:06pm 03/11/2015 Maryann 0 views Abal Kinoyonon,Kinoyonon,Kota Kinabalu

kurup 2KOTA KINABALU: Kobolihangkangan kinogumuon modidikot songkosuaian aiso kasagaan (PATI) id Sabah nopo nga ahal nasional ih apatut onuan pogintangan montok pibarasan om salasaion miampai, ka di Porosidin Parti Bersatu Rakyat Sabah (PBRS) Tan Sri Joseph Kurup.

Minoboros isido do ahal PATI id pogun diti nopo nga iso kobolihangkangan tagayo om apagon momorlu piuhupan mantad toinsanan puru montok monorisid ahal dilo potilombus manalasai.

“Mongunsikou oku kumaa di Luguan Montiri Datuk Seri Najib Tun Razak sabap kosianan dau manalasai kobolihangkangan PATI diti miampai poimbulai iso kotinanan poingabas poimbida ilo nopo nga Suruhanjaya Ponoriukan Diraja Karait PATI (RCI) ih monoriuk om potilombus manalasai kobolihangkangan diti.

“Nga ahal diti nopo tongggungan miampai sabap kobolihangkangan diti ahal nasional om sabap dilo pibarasan montok mogihum panalasaian apatut papaampai toinsanan puru om milo nopo daa nga kaampai nogi puru susumaab sabap rikotonn tokou nopo nga iso noh, manalasai kobolihangkangan PATI,” ka disio.

Minoboros isido miagal dilo soira minanahak pason id pitimungan tritahunan PBRS do hiti.

Pitimungan dilo pinoimagon di Luguan Montiri Datuk Seri Najib Tun Razak. Nokotindapou nogi ih Boyoon Montiri Sabah Datuk Seri Musa Aman. – BERNAMA

Apa Komen dan Pendapat Anda

Artikel Berkaitan