Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ahal momikot: Kinongoho pomusarahan mogisuai-suai puru

rotann-600x367
KOTA BELUD – Apatut o porinta mangadang nunu nopo pomusarahan mogisuai-suai puru pogulu mongubal rang undang-undang kawawagu i popotindohoi momikot do tangaanak nopo nga iso kasalaan tagayo, ka di Speaker Walai Koundangan Pogun Sabah Datuk Seri Dr Salleh Tun Said Keruak.

Ka disio, pomusarahan miagal dilo apatut onuan pogintangan sasabap mogisuai-suai pomusarahan mantad tulun ginumuan, kotinanan okon ko porinta (NGO) om momuruan pulitik karait atag kopointutunan rang undang-undang kawawagu nokomoi montok mongolon Akta Tangaanak 2001.

“Nunu ih kosuul, apatut o porinta mokinongou boros ginumuan miampai mangadang piro-piro ahal kosuang nogi ugama sabap tokoh agama nga nakapanahak noh do pomusarahan karait atag diti,” ka disio id iso kointalangan hiti di kawawagu.

Duo tadau nakatalib, Montiri Kotundaan Koonduan, Paganakan om Mogigion Datuk Seri Rohani Abdul Karim minoboros do, momikot do tangaanak pikikiro kosiliu iso kasalaan tagayo sokiro kapaas o rang undang-undang kawawagu dilo montok mongolon Akta Tangaanak 2001 ih pikikiro pabantangon id Dewan Rakyat tulan Koturu abantalan.

Salleh ih ponogi Kumoduo Ponorikohon Umno Sabah minoboros do amu milo o porinta marau-arau popointutun akta nokomoi nga apatut maganu pomusarahan toinsanan puru. – BERNAMA

Komen


Berita Berkaitan