Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

AGARAS nakaanu minonimung tusin monguhup momonsoi Chapel

agaras
RANAU: Chapel St Mary Manantanga ih winonsoi mantad podii toun 1993 momoguno kayu gouton, linimput do poring om sirang polintana nakaanu kosianan mantad iso kotinanan okon ko porinta (NGO) Pertubuhan Angkatan Gabungan Rakyat Sabah (AGARAS).

Kotinanan dilo monimung kousinan montok tuduan monginsonong do Chapel nokomoi. Bangunan do Chapel diti noko viral maya Media Social Facebook om nakaanu pogintangan mantad puru

Agaras Sabah ih tinilombus minooi tombului id kinoyonon dilo.

Porosidin AGARAS Micheal Frederick minoboros do soira nokokito kowowoyoon sasambayangan dlo, puru disio miningisom monimung kousinan om tulan Kohopod toun nakatalib, tinimpuunan momonsoi sasambayangan do wagu mongolon di laid om nopongoh poimponu tulan Kohopod om Iso toun nakatalib.

“Sundung do AGARAS nopo nga iso kotinanan NGO di kawawagu poh nga Agaras mingisom manahak ponguhupan kumaa isai-isai nopo kosuang puru gereja montok momonsoi chapel kawawagu,” ka disio.

Minongunsikou nogi isido kumaa di minanahak toluod om ih opuhawang kosuang nogi ih Datuk Seri Panglima Masidi Manjun, Tan Sri Benard Dompok, Datuk Bobbey Suan, Datuk Dr Jeffrey Kitingan, Datuk Donald Mojuntin, Puan Lovita Koisun, Datuk Yap, Agaras Bingkor, Agaras Papar, Agaras Tuaran om misosongulun di nakaampai minanahak sakadai kumaa chapel ditti. – SayangSabah

Komen


Berita Berkaitan