Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

AFFIN potoluod RM120 noribu montok susumikul amu kamampu

affin
KOTA KINABALU: Soginumu RM120,000 pinotoluod do AFFIN Holdings Berhad kumaa 600 tulun susumikul sikul tosiriba amu kamampu id tolu kinoyonon Parlimen kaampai watas Ranau, Putatan om Keningau id iso ababayan id Hotel Promenade.

Kumoduo Boyoon Montiri Sabah Tan Sri Joseph Pairin Kitingan minoboros do toluod dilo nopo nga iso pingisaman montok monguhup susumikul amu kamampu sabaagi papagaan kobolihangkangan diolo.

“Mongunsikou tokou kumaa AFFIN sabap minanahak toluod diti om alansan oku tonggungan sosial miagal diti mangan potilombuso montok monguhup susumikul id suang potilombus balajaran diolo,” ka disio.

Alansan isio miampai sakadai pinatahak do AFFIN dilo lobi ogumu puru kumponi suai papanau ababayan miagal dilo.

Nokotindapou id ababayan dilo Puru Parlimen Putatan Datuk Dr.Marcus Markin Mojigoh, Puru Parlimen Ranau Datuk Dr. Ewon Ebin om Ponorikohon Affin Holding Bhd. Jeneral Dato’ Seri Diraja Tan Sri Mohd Zahidi Bin Haji Zainuddin.- Dii Leolerry Lajius/Sayang Sabah

Komen


Berita Berkaitan