Sayang Sabah Facebook

Likes
Sayang Sabah Twitter

11,671

Followers

Sayang Sabah - Portal Berita Negeri Kita

ADUN paatag insanangan talun alun Kimanis-Keningau

6:09pm 24/04/2016 Maryann 1 views Abal Kinoyonon,Kinoyonon,Kota Kinabalu

kimanis-1-600x366
KOTA KINABALU : Puru Walai Koundangan Pogun (ADUN) Kemabong Datuk Rubin Balang minapaatag kumaa porinta pisompuruan do posuang karaja monginsonong talun alun Kimanis-Keningau id pakej kumoiso porojik Ralan Magayo Pan Borneo.

Ka disio karaja monginsonong do talun aluun dilo mositi posoguluonon mooi ahal koumoligan aanu posikapon sabap kowowoyoon talun alun id kinoyonon dilo koligogon kumaa momoguno suai ko aantakan ogumu koligaganan.

“Koligaganan id Talun Alun Kimanis-Keningau okon ko sabap osiau toi ko koolingon nga sabap kowowoyoon talun alun dilo koligogon.

“Alansan oku kakal amu poh nakalambat do mokianu kumaa porinta pogun do monginsonong talun alun nokomoi,” ka diso soira minanahan boros bahas id pitimungan walai koundangan pogun do hiti di kawawagu.

Daamot dilo ADUN Kuala Penyu Limus Juri id boboroson bahas dau minokianu kumaa porinta do posikap kolulusan pamansaian om karaja monginsonong piro-piro talun alun id kinoyonon dau.

Porojik dilo nopo nga kosuang nogi momonsoi om monginsonong talun alun Sangkabok Lambidan kumaa Ralan Malikai Tanjung Aru; Bulatan Menumpang kumaa Ralan Lapangan Terbang Tanimbak-Pantai Sawangan; Ralan Kampung Kabatung; om Ralan Kampung Gana Bundu. BERNAMA

Apa Komen dan Pendapat Anda

Artikel Berkaitan