Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Adenan momuruan tosonong montok rayat Sarawak

maximus
BINTULU: Sarawak agayo kinotundaan om kinomogoton id siriba pomorintaan dii Tan Sri Adenan Satem, kalapas sinowoli sabaagi Boyoon Montiri duo toun nakatalib.

Miampai papaagal dii Adenan sabaagi pomikir strategik om puru pulitik di ogumu toilaan, Montiri Tanaga, Tiknologi Hijau om Waig, Datuk Seri Panglima Dr Maximus Ongkili minoboros do boyoon montiri dilo kasasari otulid ginawo id nunu nopo ih mangan wonsoio montok Sarawak.

Maximus, ih ponogi Kumoduo Porosidin Parti Bersatu Sabah (PBS) minoboros do kopomuruanan dii Adenan nosiliu pomitanan momuruan ngawi id Sabah.

Mantad di pilili tadau ko-28 tulan Koduo 2014, Adenan minopoindalan osomok 50 inisiatif om laang kosuul, posiliu disio songulun momuruan di pantangon, lolobi id suang manalasai kobolihangkangan om ahal ngawi di notoguang do porinta.

Wookon nopo di nagampot disio nga, momunso tol, mongingkuri kadar lotirik, lumipantai pambalakan aiso kasagaan, pointutun toinsanan bilingualisme Melayu-Inggeris id pontadbiran Sarawak om pogirot do pakatan Pijonjian Malaysia 1963 id suang mokianu kawagu autonomi poimponu id pogun diti maya pirundingan.

“Nokoumbal isido posunud doho do, isido aiso rikoton suai ko mintong kotunda o Sarawak om isido nopo nga songulun momuruan dii abarani madtamong kopotutan Sarawak om haro kopotutan onuan sokodung poimponu montok tumilombus momorinta Sarawak,” ka disio. – SayangSabah

Komen


Berita Berkaitan