Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Adanda RM15,000 sokiro amu popointalang gatang

Tupisor Monguasa KPDNKK om puru Skuad Momoguno Pogun Sabah minopoindalan pomorisaan tanda gatang kakamot id piro-piro kadai posorili kakadaian Kota Kinabalu.
Tupisor Monguasa KPDNKK om puru Skuad Momoguno Pogun Sabah minopoindalan pomorisaan tanda gatang kakamot id piro-piro kadai posorili kakadaian Kota Kinabalu.

KOTA KINABALU – Mogindapu id pogun diti kotoguang laang okodou mantad Komontirian Pidagangan Suang Pogun Koporasi om Momoguno (KPDNKK) sokiro amu tumanud kooturan popokito tanda gatang id kakamot toi ko barang di padagangon diolo.

Kumoduo Ponorikohon Skuad Momoguno Sabah Datuk Aminah Ambrose minoboros do haro sombohogian mogindapu ih amu momoduli ahal dilo om popologos oborulong o momoguno dilo tanda promosi amu miagal gatang pointopot.

“Amu osontob ginawo tokou kokito haro misin pogintong gatang amu milo gunoon nga poilihon id kadai dilo miampai amu popoilo naraag o pongimbas nokomoi,” ka disio kumaa maganu khabar kalapas minapaharo pomorisaan id piro-piro kakadaian miampai tupisor monguasa Tupis KPDNKK raan Sabah.

Ka di Aminah, kobolihangkangan aiso pointulis do gatang okon nopo ko aantakan id tanga mogindapu tongokoro nga aantakan nogi id mogindapu kakadaian tangagayo.

“Suai ko ilo, haro nogi aantakan do haro tanda gatang poinsokot id barang padagangon nga amu kopiagal soira imbason id misin pongimbas. Aantakan iti sabap soira aawi o stok kakamot dilo, onuon dilo mogindapu stok do wagu nga kakal amu diolo alanan o tanda gatang di laid,” ka disio.

Daamot dilo, Tupisor Monguasa Khalid Haki, minoboros do sokiro haro mogindapu amu tumanud kooturan do popokito tanda gatang kakamot, milo yolo ontokon do danda tumanud Akta Kawalan Harga miampai danda gisom RM15,000 toi ko kompaun RM7,500. – SayangSabah

Komen


Berita Berkaitan