Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Abu Bakar pinapanau karaja goos osonong: Musa

Musa popotunui pongitanan kumaa di Abu Bakar id ababayan nokomoi.– foto Ille Liyana Tugimin/Sayangsabah
Musa popotunui pongitanan kumaa di Abu Bakar id ababayan nokomoi.– foto Ille Liyana Tugimin/Sayangsabah

KOTA KINABALU – Boyoon Montiri Datuk Seri Musa Aman minoboros do bagas Monunurat Pisompuruan Sabah Datuk Abu Bakar Hassan minopoindalan karaja disio miampai osonong om minanahak waya goos osonong kumaa kotundaan Sabah.

Rinayou nogi disio ningkokoton karaja dit osonong i pinokito di Abu Bakar Hassan ih ponogi Boyoon Porkhidmatan Kogumuan Pisompuruan Sabah, poompus pakaraja isido somok tolu toun id pogun diti.

“Naanu disio poindalan karaja om tonggungan sabagi popiromut siktor awam Koporintaan Pisompuruan om Pogun miampai poimponu tonggungan,” ka disio soira minanahak boboroson id ababayan “Sekalung Budi Semarak Kasih” kopihondot kopinsinan di Abu Bakar, hiti di kawawagu.

Tumanud di Musa, kopoindalanan do ababayan porinta momorlu kotonudan om ponguhupan ogirot toinsanan puru.

“Oilaan ku do miampai komitmen di takawaas, isido (Abu Bakar) nakaanu minanalasai nunu nopo ahal ih nokoimbulai om nakaanu minogihum panalasaian osonong,” ka disio.

Suai ko ahal kotundaan, ka disio, ih Abu Bakar nga minapapanau nogi tonggungan tagayo do monguhup Porinta Pogun tumoguang pogumbalan mantad labus kosuang nogi kaampaian disio id ababayan kotungoligan.

Abu Bakar Hassan nokopinsin di tadau ko-1 tulan Koduo nakatalib, nakakaraja lobi 35 toun id mogisuai-suai siktor porinta id pogun diti.

Pinili isido Monunurat Pisompuruan Sabah om nogi Boyoon Porkhidmatan Awam Pisompuruan Sabah di ko-22 tulan Koonom 2012. – Dii Nuzir Andi Samsiar / Sayangsabah.

KOTOBIAN TADAU KINOULITON TOUN … Ababayan kinouliton tadau kinosusuon di Abu Bakar rinamai id ababayan kopinsinan disio. -  foto Ille Liyana Tugimin / SayangSabah
KOTOBIAN TADAU KINOULITON TOUN … Ababayan kinouliton tadau kinosusuon di Abu Bakar rinamai id ababayan kopinsinan disio. – foto Ille Liyana Tugimin / SayangSabah

Komen


Berita Berkaitan