Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ababayan walai poingukab impohon piuludan rayat

elron
KENINGAU: Ababayan walai poingukab om mamaramai nunu nopo karamaian kouang karamaian kougamaan nopo nga impohon tosonong montok posunii piuludan id tanga mogigion mogisuai-suai tinaru om ugama id pogun diti.

Boyoon Umno Bohogian Pensiangan Datuk Abdul Ghani Datuk Yassin minoboros do ababayan walai poingukab di pinaanjur mamaso karamaian do hombo nopo puru id pogun diti lolobi id Sabah nopo nga wayaan tosonong montok potilombus piuludan mogisuai-suai tinaru om ugama.

Ka disio koubasanan miagal dilo nosiliu tuod piuludan om kotoronongon tinaru miampai amu monutun do ningkokoton.

“Iti popokito piuludan om pirotian id pogun diti lolobi id Sabah pointalang kasasari,” ka disio soira minanahak boboroson id ababayan Walai Poingukab Krismas 2015 pinaanjur miampai Umno Bohogian P.182 Pensiangan om Komuniti Umat Katolik (KUK) Gereja Tulid di kawawagu.

Nokotindapou nogi ih Monguhup Montiri kumaa Boyoon Montiri Datuk Ellron Alfred Angin, Kumpoduo Boyoon Umno Bohogian Umno Pensiangan Abie Wednes Gamboi, Rev, Fr Ronnie A. Luni, Boyoon Komulakan Umno Pensiangan Jehan Osman, Ponorikohon KUK Tulid Sylvester Lapiris om momuruan Bohogian, Koonduan om Komulakan Umno Pensiangan.- Dii Kalawon Sawing/Sayangsabah

Komen


Berita Berkaitan