Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ababayan Sedekah Jariah Masjid Bandaraya kaanu silihon pongitanan tosonong

musa

KOTA KINABALU – Ababayan panahakan Sedekah Jariah Al-Mubarak ko-15 ih pinaanjur do Masjid Bandaraya Kota Kinabalu kaanu silihon do pongitanan tosonong kumaa toinsanan puru komiti masjid id pogun diti montok papanau ababayan diolo lolobi id tulan Ramadhan.

Boyoon Montiri Sabah Datuk Seri Musa Aman minoboros do maya ababayan dilo kowowoyoon obingupus, sunduan piobpinaian om nogi kowowoyoon di orohian monulung tiso om tiso kaanu pasarabakon id tinan sondiri toinsanan tulun Islam om potilombus popokito kolumison Islam dii pointopot.

“Monikid Ramadan, wookon ahal dii apatut papanahon, koubasanan sedekah om zakat om sokiro papanahon tososonong toinsanan mogigion Islam kaanu popoimbulai kousinan tagayo montok monguhup kotundaan sosio ekonomi,” ka disio.

Minoboros isido miagal dilo soira minanahak boboroson id ababayan panahakan Sedekah Jariah Al-Mubarak kumaa 245 mamaramit id Masjid Bandaraya Kota Kinabalu do hiti di baino.

Mokianu nogi ih Musa kumaa toinsanan mogigion do tumilombus poposogulu piuludan om mongubasanan kowowoyoon osonong id tiso om tiso.

Ka disio kosuul iti montok mogintong kopio kotilombus piuludan om katanangan id pogun diti. – Dii Nuzir Andi Samsiar / sayangsabah

Komen


Berita Berkaitan