Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ababayan pinsingilaan Pasak popogirot pingisaman mangantob ahal araat id ESSZONE

pasak

SANDAKAN – Pingisaman do mangantob ahal angaraat id Zon Atampasi Kolisahon Sabah (ESSZONE) pinogirot maya ababayan Pinsingilaan Pasak 1 Program Latih Amal Kinoyonon Kotungoligan Poinbida Tisan Kolisahon Sabah (ESSCOM) hiti di kawawagu.

Pinsingilaan dilo tinanud 40 tupisor om 300 poh kawagu puru om 50 mogigintong mantad mogisuai-suai agensi ih pinaharo id kinoyonon Pomuwalaian laid longkod Tupis Pulis Watas Sandakan.

Tinimungan kotungoligan dilo nopo nga kosuang nogi pulis, susumangod Malaysia, Tinimungan Gerakan Am, Tinimungan Atur Cepat, Tinimungan Tindakan Khas om Koupisan Momisok Tapui om Manampasi.

Kumoduo Boyoon Pulis Pogun Datuk Seri Noor Rashid Ibrahim minoboros do pinsingilan dilo kihontolon do monilai nunu ih pinalan om mogintong kinalantaian di nunu nopo napalan. Sokiro haro kobolihangkangan, ihumon o panalasaian.

Latihan dilo nga kaanu popokito kumaa toinsanan puru om agensi ngawi nokomoi kowowoyoon pointopot sabagii laang sumodia om poinsodia kasari sokiro haro kaantakan amu osonong,” ka disio kumaa maganu habar kalapas minintong pokikitanan serangan om manampasi id pinsingilaan dilo.

Nakaampai nogi Potunud Koupisan Kotungoligan Suang Pogun om Kotanangan Kogumuan Datuk Muhammad Fuad Abu Zarim, Komander ESSCom Datuk Abdul Rashid Harun om Kumoduo Posuruhjaya Pulis Sabah Datuk Malik Harun. – BERNAMA

Komen


Berita Berkaitan