Sayang Sabah Facebook

Likes
Sayang Sabah Twitter

11,794

Followers

Sayang Sabah - Portal Berita Negeri Kita

Ababayan momorisi Tisan Rahat Pulou Libaran montok mamagayat do ponyu tumindal

11:00pm 08/03/2016 Maryann 0 views Abal Kinoyonon,Berita Pilihan,Kinoyonon,Sandakan

penyu-600x367
SANDAKAN : Soginumu tolu kumponi om iso agensi porinta tinanud id Ababayan Angkat momorisi tisan rahat Pulou Libaran id suang pingisaman poingkawas ginumu ponyu tumindal id pulou dilo.

Ababayan pinaanjur do Friend of Sea Turtles Education and Research (Foster) miampai ponguhupan do Trekkers Lodge Sdn Bhd dilo kapaampai ginayo kisinodu 1.1 kilometer.

Porosidin FOSTER Alexander Yee minoboros do kinoyonon dilo binahagi 11 kinoyonon miampai toiso-iso kinoyonon kininaru 100 meter om tolu mogigion kampung nopili tumanud do ababayan momorisi dilo.

“Tisan do rahat di amu oborisi miampai rinomos om kayu poposusa do ponuyu tumindal id tana do mogontolu suai ko posorili tisan do rahat nga nokotoguang waya di amu oborisi,” ka disio.

Minoboros isido miagal dilo id ababayan manain pijonjian miampai duo mogigion kampung di nopili papanau karaja momorisi tisan do rahat id pulou dilo, do baino.

Ka disio, dana di naramit mantad Tupis Komontirian Kotombuluian om Koubasanan Sabah, River Bug, STWA Tours om Walai Penyu patahakon kumaa Foster montok mambarai gaji mogigion kampung di nakaampai id karaja momorisi tisan do rahat, ilo nopo nga RM100 sombulan montok iso lot.

Minoboros ih Alexander do mantad Longkod Pogontoluan Ponyu id pulou dilo noukaban mantad tolu toun nakatalib, pikikiro 30,000 tanak ponyu pinoidu id rahat. – BERNAMA

Apa Komen dan Pendapat Anda

Artikel Berkaitan