Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ababayan momilanga Tanjung Lipat DBKK nakaanu raramit tosonong

tanjung lipat
KOTA KINABALU – Ababayan momuhu rinomos ih pinapanau Dewan Bandaraya Kota Kinabalu (DBKK) id posorili tisan do rahat Teluk Likas di konihab nakaanu raramit tosonong mantad tinimungan sukarelawan.
Iyolo nopo nga susumikul Universiti Tun Abdul Razak (Unitar) Kota Kinabalu, soginumu 40 tulun susumangod rahat mantad USS Bonhomme Richard (LHD 6), om 40 tulun kukumaraja DBKK.
Ababayan dilo pinotimpuun di Kumoduo Boyoon Potunud Operasi DBKK Joannes Solidau ih lumansan di Datuk Bandaraya Kota Kinabalu, Datuk Abidin Madingkir.
Susumikul Unitar ih norubaan id ababayan dilo minoboros do otood ginawo diolo sabap nopili tumanud ababayan nokomoi ih nokotimpuun pukul 9 gisom 10.30 kosuabon.
Songulun susumikul id kaganaan Hospitaliti om Pongurusan Kotombuluian, Willbrord Thimothy Tappa, 25, minoboros do ababayan doung kogumuan miagal dilo kosuul papanahon montok madtamong koborisian tisan do rahat om nogi manahak kopurimanan kumaa mogigion moi kasasari madtamong koborisian misorili.
“Karaja miagal diti apatut potilombuson moi kosiliu kotonudan dilo tinimungan komulakan lolobi kopio tangaanak sikul id longkod balajaran takawas kogumuan om misosondiri (IPTA/S),” ka disio. – Dii Dewiana Tinggolongon / SayangSabah.

Komen


Berita Berkaitan