Sayang Sabah Facebook

Likes
Sayang Sabah Twitter

11,658

Followers

Sayang Sabah - Portal Berita Negeri Kita

Ababayan ‘Learn To Be Genius miampai AdiPutra’

10:30pm 17/04/2016 Maryann 9 views Abal Kinoyonon,Kinoyonon,Kota Kinabalu

jainab
KOTA KINABALU: Iso ababayan ‘Learn To Be Genius Miampai AdiPutra’ ih kumoinsan nogi pinaharo id pogun diti nakaanu minopoundaliu pomusarahan tongo susumikul ih kopomusorou mato balajaran Matematik nopo nga osusa kumaa di osonong.

Montiri Kotundaan Mogigion om Ahal Momoguno Sabah, Datuk Jainab Ahmad minoboros do kogumuan susumikul id sikul tosiriba, takawas toi ko id longkod balajaran takawas haro pomusarahan do mato balajaran Matematik nopo nga osusa kopio.

Minoboros isido miagal dilo soira minanahak boboroson id ababayan kopotimpuunan ‘Learn To Be Genius Miampai AdiPutra’ idd Auditorium Kompleks Pentadbiran Persekutuan Pogun Sabah, do hiti di baino.

Tumanud di Jainab, ababayan dilo ih kapaampai ikon Matematik Malaysia, Adiputra Abdul Ghani nopo nga ababayan kumoinsan nogi pinaharo id pogun diti om lansanon toinsanan tutumanud nakaanu motivasi om ponontudukan.

“Maya ababayan diti, alansan oku tongoo tutumanud kosiliu tulun di lobi tosonong om kreatif id suang mogihum panalasaian mogisuai-suai karalanon di osonong,” ka disio.

Nokotindapou nogi ih Rektor UiTM raan Sabah, Datuk Dr Hj Abdul Kadir Hj Rosline, Ponorikohon Panganjur Ababayan Learn To Be Genius Miampai AdiPutra, ih ponogi Koordinator Fakulti Sains Komputer om Matematik UiTM Raan Sabah, Dr Rashidah Omar, Boyoon Tupisor Eksekutif Bina Integrated Technology (Sabah) panaja tagayo ababayan dilo Mohd Maidin Hj Ibrahim. – SayangSabah

Apa Komen dan Pendapat Anda

Artikel Berkaitan