Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

913 kiis denggi pinoruput id Sabah

11:50pm 14/03/2016 Maryann 0 views Abal Kinoyonon,Berita Pilihan,Kinoyonon,Sandakan

denggi
SANDAKAN: Soginumu 913 kiis denggi pinoruput id pogun diti mantad tulan Koiso gisom tadau ko-10 tulan Kotolu nakatalib, nokoingkawas 70 kiis piagalon timpu miagal dilo toun nakatalib.

Potunud Koupisan Kolidasan Pogun Sabah Dr Christina Rundi minoboros do watas Sandakan minoposurat kiis denggi goos takawas soginumu 319 tinanud do Kota Kinabalu (152) om Tawau (72) mantad toinsanan kiis denggi id Sabah.

Ka disio, haro 11 lokaliti korolihan denggi ih aparagat kapaampai turu watas, ilo nopo nga Sandakan (limo lokaliti) om iso lokaliti toiso iso id Kota Kinabalu, Lahad Datu, Papar, Beluran, Tuaran om Semporna.

Daamot dilo ka disio kalapas Ops Mega Kawalan om Pencegahan Denggi pinapanau id watas diti, ginumu kiis denggi nokoinsiriba soginumu 96 pihatus gisom baino.

Karaja dilo nokotimpuun ko-15 tulan Koduo nakatalib om opupusan ko-15 tulan Kotolu diti, ka disio kumaa maganu habar karait karaja dilo do hiti di konihab.

Tumanud disio, kopoindalanan do Ops Mega, ababayan pomunsaan do kinoyonon pogontoluan togonok aedes nakapanau id 112 lokaliti om soginumu 12,014 kadai pinorisa.

Ka disio, ababayan momoom lisun (fogging) ih pinapanau id 150 lokaliti om soginayo 978 hektar kinoyonon nopoom noh.

Minoboros ih Dr Christina do soginumu 21 notis kompaun pinalabus om 71 notis Seksyen (8) pinalabus poompus Ops Mega id watas diti. – BERNAMA

Apa Komen dan Pendapat Anda

Artikel Berkaitan