Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

87.8 pihatus panagi dadah id Sabah nopo nga komulakan om sukod wagu

Jainab Ahmad (duo mantad gibang) papatahak surat pamagatangan kumaa songulun pulis bantuan. Okito nogi ih Izhar Abu Talib (gibang). – foto Jabatan Penerangan
Jainab Ahmad (duo mantad gibang) papatahak surat pamagatangan kumaa songulun pulis bantuan. Okito nogi ih Izhar Abu Talib (gibang). – foto Jabatan Penerangan

KOTA KINABALU – Ginumu panagi dadah id pogun diti toun nakatalib minoposurat kinoingkawason soginumu 1,036 tulun, ilo nopo nga pikikiro 57 pihatus sokiro piagalon 658 om 770 panagih di toun 2013 om 2012.

Boyoon Potunud Agensi Anti Dadah Kebangsaan (AADK) Datuk Suhaimi Abdullah minoboros do kowowoyoon miagal dilo kotongob kopio sabap 87.8 pihatus mantad giumu dilo nopo nga tinimungan komulakan om sukod wagu ih kiumur id siriba 39 toun.

Sabap dilo ka disio AADK mingisom popoingkawas tonggungan do momunso om manangod kasalaan dadah id pogun diti moi amu kotongkop.

Ka disio, mimpuun toun nakatalib, ponginsamakan maya ababayan balajaran pangantaban numaan papanaho tumanud kinoyonon pointantu.

“Asil dau, AADK nakaanu minongintutun turu kinoyonon koligogon id Sabah, ilo nopo nga duo id kinoyonon Kota Kinabalu, Sandakan, Tawau o miso id Wilayah Persekutuan Labuan,” ka disio id ababayan Tadau Antidadah Kabansaan 2015 Nayatan Pogun id Taman Jaya Diri Sepanggar.

Ababayan dilo pinotimpuun di Montiri Kotundaan Mogigion om Ahal Momoguno Datuk Jainab Ahmad.

Boboroson disio pinolombus di Kumoduo Boyoon Potunud (Operasi) AADK, Izhar Abu Talib.

Tumanud di Suhaimi, ababayan id kinoyonon dilo pinapanau maya inisiatif Strategi Lautan Biro Kabansaan (NBOS), ilo nopo nga piuhupan mogisuai suai puru om koupisan porinta montok mamagampot rikoton pointantu. – SayangSabah

Komen


Berita Berkaitan