Sayang Sabah Facebook

Likes
Sayang Sabah Twitter

11,797

Followers

Sayang Sabah - Portal Berita Negeri Kita

84 tulun mongingia om kukumaraja nakaramit tutungkap KKCCI

12:05pm 18/05/2016 Maryann 0 views Abal Kinoyonon,Kinoyonon,Kota Kinabalu

kcci
KOTA KINABALU: Soginumu 84 tulun mongingia om kukumaraja mantad walu sikul id siriba pongintangan Kota Kinabalu Chinese Chamber of Commerce and Industry (KKCCI) nakaramit tutungkap ponorinaan timpu anaru mantad 10 gisom 30 toun piagalon 61 tulun nakaramit di toun nakatalib.

Porosidin KKCCI Datuk Michael Lui, minoboros do kinoingkawason ginumu mamaramit tutungkap dilo iso kowowoyoon kopongunsub om nogi ginumu mongingia sikul tosiriba di nakaanu ijazah mantad 4 tulun pogulu diti noruhangan kumaa 33 tulun toun diti.

“Porinta nga minapatatap nogi toinsanan mongingia tadika sokuri-kuri kaanu kinapaasan Diploma.

“Sabap dilo KKCCI maya Puru Komiti Sikul Tadika om tolu kotinanan pengelola sikul tadika mingisom sumodia mooi lobi ogumu mongingia tadika mantad sikul diti kaanu pongiktirafan pogulu toun 2020,” ka disio.

Minoboros isido miagal dilo soira minanahak boboroson id karamaian Tadau Mongingia KKCCI, do hiti di konihab.

Kopihondot karamaian dilo, pinoumum nogi disio do mongingia mantad tadika KKCCI ih nakaanu diploma kosudong mamaramit pamagatangan om insentif mimpuun toun 2017.

Gisom baino soginumu 500 tulun mongingia om kukumaraja ih pakaraja id walu sikul id siriba ponguludan do KKCCI.- Sayang Sabah

Apa Komen dan Pendapat Anda

Artikel Berkaitan